30 August 2010

آآآآآآآآآه يا زمن


بقالي كتير قوي مش كتبت
بس حاسة اليومين دول إن جوايا كلام لازم أكتبه
ممكن مكنش عارفة هو إيه؟ بس أديني بحاول

الناس بقيت غريبة قوي
النفوس مبقيتش صافية
كل واحد شايل من اللى جانبه
سوء الظن بقى الغالب

زمان إتربينا على إن الواحد بيفرض حسن النية إلى أن يظهر عكس ذلك

دلوقتى ده مبقاش موجود... محدش بيحط مبدأ حسن النية الأول
دلوقتى بقى: نفرض سوء النية إلى ان يثبت عكس ذلك

حتى المثل اللى إتربينا عليه مع النفوس دي اختلف

بقى اى موضوع "ادخله بوشك لحد ما تأخد على قفاك" (نأسف على التعبير يعني)

أصل كمية الخيانة (بكل معانى الخيانة-مش خيانة بين الذكر و الأنثى- لكن خيانة الأصدقاء والناس لبعضها) و كمية الأحقاد البشرية و السواد الداخلى الكامن فى قلوب الناس بقى مش طبيعي

<حلوة كامن دي>

انتهى و إختفى مفهوم الصداقة بين البشر
ولا حتى أي معنى تانى - مش بخص الصداقة بس
أى علاقات إنسانية مبقاش ليها وجود

و إرتفعت راية المصالح عالية لتحظى بأزهى عصورها على مدى التاريخ

الناس بقى فيها حاجة غريبة
ميعديش ساعة إلا و تسمع صوت خناقة
مبقاش في قاعدة بين الناس (بغض النظر عن علاقتهم ببعض) إلا و تسمع عن مشاكل و طلاق و خيانة
مبقاش فى قاعدة إلا و تعرف ان مين مش طايق مين و مين عمل ايه فى فلان

مستوى الإنحلال الأخلاقى إرتفع بشكل إنه كاد ينفجر

كان زمان كل شيء غير مباح و المباح هو الشاذ
دلوقتى بقى كل شيء مباح و الغير مباح هو الشاذ

مع إن الناس هى الناس
يعني مبقوش كائنات فضائية ولا حاجة
و الزمن متغيرش
مفيش حاجة إسمها الزمن إتغيير
إيه يعني الزمن ده بقى في فيروس ماشي فى الجو عمل في الناس الغلابة كده؟؟؟

لالالالالا الناس فعلا إتغيرت
إيه غيرهم ؟؟؟؟؟

هتقولوا الروحانيات قلِت؟؟؟؟؟؟؟؟
لأ بقى الروحانيات زادت جداً عن زمان
بقى فى بدل الداعية 1000 و بدل القناة الدينية 20
أهو زمانا ده زادت فيه الإيمانيات اللى مكانتش موجودة فى زمن الميكروجيب
زمن أهالينا

بس نفوس الناس إتغيرت
زمان كانت البنت تمشي بميكروجيب محدش يرفع عينه عليها (كان فى اخلاق-بغض النظر عن الميكروجيب)
لكن دلوقتى المحجبة و المنتقبة أحياناً لا تسلم من شر نفوس الناس و عبث العابثين

آآآآآآآآآآآآآآه يا زمن

نعيبُ زماننا و العيبُ فينا *** وما لزماننا عيبٌ سوانا

4 comments:

Anonymous said...

Nice Post... Look, I think that what you're saying is true to an extent... but there are also a small percentage of people who are the complete opposite of this also...

I'd agree that the mere and bitter majority is exactly as described by you in your interesting post. However, the minority still exist, and they strongly believe in love, friendship, and kind-heartedness :)

Lastly, I can't complement you enough about your writing style... It's really interesting to me, just like you of course :) You're a pretty interesting person :D

Let me throw a curve ball at you :) and sign this anonymous :) haha you'll never know who I am now :D


Best,
Your Anonymous admirer :D

p.s. I'll definitely talk to you more about your post offline :D When you confront your anonymous admirer

isra2jack said...

thnx my dear Sarah :P
u've a unique style ;)

Sarah said...

haha I never expected you to loose track of your little sister's writing style :D

In fact I was a 100% sure you'd know who I was... but I just wanted to let you know that you got a secret admirer out there :D

Anonymous said...

حكم مشاهدة الأفلام والمسلسلات العربية والأجنبية ، وحكم سماع الأغاني
‏https://islamqa.info/ar/125535

حكم الرسوم المتحركة
‏https://islamqa.info/ar/71170


استخدام الوجوه التعبيرية بين الجنسين
‏http://www.almeshkat.net/vb/showthread.php?t=124621

حكم تبادل المقاطع التي فيها موسيقى أو نساء متبرجات أو كلام بديء على الواتساب أو غيره
‏http://albidhani.com/play.php?catsmktba=1300

حكم وضع صور النساء للعرض أو نشرها الشيخ عبدالله الطيار
‏https://www.youtube.com/watch?v=T9MCX1lkBjg

حكم وضع المرأة لصورتها على الفيس بوك
‏http://islamqa.info/ar/165186

صفات الحجاب الشرعي
‏http://www.saaid.net/female/h43.htm

تصوير المرأة يدها ووضعها في صور عرضوسائل التواصل والتقنية
‏http://www.albahre.com/publish/article_6757.php

النهي عن إظهار الزينة والحلي أمام الرجال الأجانب
‏http://fatwa.islamweb.net/fatwa/index.php?page=showfatwa&Option=FatwaId&Id=79317