ديماً يقولك لأ يا عم ده كلام أغاني
و تلاقيهم برضه متأثرين بكلام الأغاني نفسها
بس هل إنت عمرك فكرت كده هل هو فعلاً مجرد كلام أغاني ولا لأ؟
كام مرة حسيت إن الأغنية دي بالذات بتعبر عن كل اللى انت حاسس بيه؟
إن الأغنية قالت أدق تفاصيل موقفك و أدق التعبيرات اللى نفسك تقولها؟
إنك تسمع أغنية معينة و تلاقيها قايله بالضبط اللى إنت لسه قايله و معبر بيه عن اللى جواك؟
و إن لما أم كلثوم قالت "ليلة بألف ليلة و ليلة" كانت فعلاً معبرة عن السعادة اللى إنت ممكن تكون حاسسها و إنت فى نفس موقفها و تلاقيك بتلقائيه بتغنيها....
و إنها لما قالت "حب إيه اللى إنت جي تقول عليه" هو نفس حد الغضب اللى جواك من اللى قسي عليك...
و مش أم كلثوم بس... فايزة أحمد لما قالت "ست الحبايب" عبرت عن كل الناس و كل الأجيال و في كل العصور...
و في وقتنا ده كمان رغم إن الوسط الفني بقى من هب و دب بيغني بس برضه لا يمنع إن في أغاني عبرت عن حاجات كتير قوي و قالت كلام مؤثر فيك أو حتى مؤثر بشكل ما في إنك توصل حاجة جواك و إحساس جواك...
يحضرني أغنية لمغني شاب (شريف ناصر) هو أنا معرفوش بس سمعت الأغنية بتاعته إسماها "واحد خلاص" و عجبتني جدا....
"واحد خلاص معدش فارق عنده حاجة
عايش حياته مش مهم يعيش لمين
عمري في حياتي ما كنت بالنسباله حاجة
مكنش ممكن قلبي يتحمل سنين
كفاية عليا كده وياك .... مين يرضى بعذابى معاك
دانا من كتر ما سامحتك ... الناس فكرتني ملاك
لا هعتب عمري لحظة عليك... ولا حتى هقول كان فيك
دانا راضي أموت بعدك ... ولا إني أموت بإيديك
عشت اللى عشته معاه وقولت لنفسي عادي ... لازم في يوم هيحس باللى عملتوا ليه
بخدع فى روحي عشان بحبه وكنت راضي .... ضيعت عمري بقول هغير حاجة فيه"
ورغم برضه إن (محمد حماقي) بتعجبني أغانيه بس ألبومه الجديد مش حلو خالص :D ما علينا...
تحضرني برضه أغنية ليه في الألبوم الجديد إسماها "أنا لو أذيته"....
"أنا لو أزيته كان عملي زيادة عن كده إيه؟؟
بالعكس عمري ما إخدت منه نص اللى أنا بديه...
كان عايز إيه؟؟ يموتني يعني يرتاح وأنا مجرووح...
ده ما شفش غير حنية مني ... ما شفش غير الخير....
وأنا لو قاتله حد أسهل من كده بكتيير...
خايف ليعرف قيمة اللى في إيده لما يروووح...
عموماً يلا مش فارقة ومش خسران... عشان أعرف ده دلوقتى أنا الكسبان...
ده يوم بدري يريحني وأنا بنساااه... ومش يمكن لو أنا كملت أعيش ندمان...
لو غلطة مني ... مين يقولي أنا طب غلطت فإيه؟؟؟
طب يعني لما تحب حد تكون مآمن ليه....
قصر الكلام ... هيفيد بإية خلاص كلامي عليه؟؟؟
زمانه رتب كل حاجة وعاش حياته خلاص....
مش فارقة عنده أي عشرة بينا ولا إحساس ....
وأنا مش هوقف يوم حياتي .... الدنيا مليانة ناس...."
واللهى ما قصر :D يعني قصر الكلام يوم ما تعيش في حالة هتلاقي الأغنية اللى تعبر عن كل اللى جواك....
أو حتى لو مقطع موسيقى ممكن يعبر أكتر من الكلام عن اللى جواك...
بس مش هعرف أكتبلكم مقطع موسيقي هنا :D ....
هتقولولى إيه الستاير السودا اللى إنتى منزلاها دي؟؟؟
هقول ببساطة إن حاجة الحزن أو الجرح هي أكتر حاجة فيها شجن و أحاسيس عالية جداااا و بتعبر بجد عن الإنسان بأرق مشاعره....
يعني إنت لو فرحان أي أغنية فيها هيصة هتنفعل معاها...
مع إن في أغنية "بمبي بمبي بمبي " بيتاعت سعاد حسني بتحسسك إن الدنيا حلوة و كلها أفراح...
زي أغنية هيصة هههههههههه برضه بتعمل هيصة....
لكن حالة الحزن و الشجن و كمان حالة الحب بتحس فيهم إنك في حالة و كون خاص بيك لوحدك و لكل حالة هتلاقى ليك أغنيتك اللى بتحب تسمعها و بتعبر عنك... و لو ملقتش دور و أكيد هتلاقي كلامك كله أغنية....
بس نظراً لندرة الحب الصادق اللى يعيشك فى حالة حب و شجن فخلينا في الحزن :D ...
"و هي دموع ولا أكتر" دي بقى مش قصودة بس هي طلعت كده... لايقة مش كده... !!!!
وكفاية كده بقى رغيي... الدمعة فرت من عيني :D :D
6 comments:
ne2dar no2ol eno b shakl 3am el she3r bei3abar 3n elzat elbashareya sawa2 et7awwar w ba2a a3'any aw fedel zaii mahowa b rokeyyoh :D
w ela al2amam da2eman ya isra2; yos3edny sha5seyan enny ashoflek tadwenat bs yareet tektby kteeer kol elly f nefsek :D
بصي كل اغنيه بنسمعها بنحس ان احنا اللي عايزين نغنيها لأن الموضوع في الأخر محصور في المشاعر
كل اغنيه بتتكلم عن نوع معين من المشاعر ولأننا كلنا بشر متشابهين ي جزء المشاعر ده كلنا عندنا حالة حب وحاله كره وحالة غضب وحالة حزن وحالة خوف وكل الحالات دي ممكن لو اغنيه اتكتبت بصوره حلوه تحسي انك انتي اللي بتتكلمي ومهما سمعتي اغاني كل ما الأغنيه هتتوافق مع مودك في اللحظه دي هتحسي ان هي دي الأغنيه اللي انتي كنتي عايزه تقوليها
كتير اكون في مواصله مثلا واسمع اغنيه حزينه قوي وفيها غدر وعذاب وانا مش في الموقف ده لكن انا زهقان ومتضايق فبحس اني متأثر قوي بالأغنيه ليه لأنها صادفتني مخنوق وزعلان زي مود الأغنيه
يعني الموضوع هو تلاقي مود الأغنيه مع مودك في اللحظه اللي سمعتها فيها
وحلو قوي البوست ده
سلااااااااااااااام
merci ya 27' shankoty...
kalamak sa7 100% w dah keteer bey7sal...
bs bardo fi sa3at te7es en el kalemat de belzat maktooba leak w betshra7 mawkefak belzabt le daraget enak sa3at momken teb3at kalemat el song badal ma tetkalem el kalam elly fi dema3'ak l2naha wasfa el e7sas sa7...
thnx 3ala ur comment
--------------------
Hajar (GoGo)
merci 3ala ur comeent keteer...
w i promise isA enoko teshofo el post el gedid...
fi mawdo3 fi dema3'y men fatra bs mesh fadya 2kteebo besara7a :D
فعلا تعرفى ان كتير بيكون كلمتين فى اغنية اكنر تعبير عن الاحساس الى جوانا من الرغير الكتير مثلآ اغنية "كتير بنعشق" جمعت معظم الاحسيس الى ممكن نحس بيها لما نحب..... واغنية "الحياة" لـ خالد عجاج اغنية بتعبر عن الواقع بنسة الى حد ما كبيرة جدا ده ... لدرجة انها بتوصفه فعلآ...
بصى مش هطول عليكى انتى فعلآ من الناس الى فعلآ بتعجبنى اراءهم ...وهستنى منك كل جديد بس ياريت ما تتأخريش علينا...
سلاااااااااااام
أنا يا إسراء مش بأعترف بأي أغنيه إلا لو كان فيها طرب
يعني الكلام واللحان بتاعتنا اليومين دووول مش بتعلق في ذهني
ومش بتعب نفسي واشتريلهم شرايط
لأن الفن الحقيقي هو اللي خارج من القلب ومن كل مشاعر مؤلف الغنيه والملحن والمطرب
أما كلمات اليومين دول عباره عن خبط ورزع عالفاضي
وتقبلي تحياتي علي البوست الجميل ده
وياريت لما تردي علي ردي بحروف عربي والنبي
معنديش دماغ افضل اترجم ههههههه
ويا ريت يا إسراء تلغي تأكيد الكلمه دي
سلااااااااااام
أسأل الله
أن يعطيك أطيب ما في الدنيا محبة الله
وأن يريك أفضل ما في الجنه رؤية الله
وأن يجمعك بأفضل خلقه رسول الله
وأن ينفعك بأنفع الكتب كتاب الله
وكل عام وأنتم بخير
عيد سعيد
Post a Comment